關於數據

餐廳資料由邊度嚟

全部來自香港特區政府食物環境衞生署嘅「持牌食肆」公開數據,經 data.gov.hk 發布,每日早上 9 點更新。入面包括普通食肆牌照、小食食肆牌照同水上食肆牌照。

食肆總數

17,101

已配對座標

17,100

食環署數據日期

2026-07-28

本站建置時間

2026-07-28 21:15

點解冇評分、冇食評、冇相?

因為我哋冇。作幾粒星、貼幾張唔知邊度嚟嘅相,對你揀鋪頭一啲幫助都冇, 仲會令你以為啲數字有根據。呢個站只做一件事:老實咁攤開政府查得到嘅嘢 — 間鋪叫咩、喺邊、牌照類型、有效期,同埋批准咗賣咩。

所以「有刺身」「有生蠔」「有露天座位」「有卡拉OK」呢啲標籤唔係我哋 judge, 係食環署發牌時寫落牌照上面嘅事實。

類別(茶記、日本嘢…)點樣分?

牌照數據冇「菜系」呢個欄位,所以類別係由招牌名自動判斷 — 例如見到「壽司」「拉麵」就當日本嘢, 見到「冰室」「茶餐廳」就當茶記。判唔到嘅會照樣收錄,標做未分類,而唔會亂 label。而家有 12,193 間分到類。

距離同座標

座標由地政總署嘅地址搜尋服務(ALS)按牌照地址產生。有啲地址寫得太籠統(例如水上食肆、 商場內某層某部分),配對唔到精確座標,呢啲鋪頭搜尋一樣搵到,只係唔會出現喺「附近」入面。

用「附近」時,你嘅位置只喺你部機度用嚟計距離,唔會傳去伺服器,亦唔會存低。

見到錯資料點算?

如果係鋪頭名、地址、牌照狀態出錯,源頭係食環署名冊,要向食環署反映先改得到。 如果係我哋分錯類或者配錯座標,咁就係我哋嘅問題。